Transcription
1
Monsieur, samedy le lacquays revint de Provence,
2
lequel trovast votre lettre à Grenoble
3
du 15e qui mont donné très grand pleysir
4
pour y veoir que vous estes en bonne sancté.
5
Vous verrés comme notre filhe d’Orches et noz petitz
6
sont de mesmes. Despuis mercredy dernier
7
jey prins un devoyement destomac qui ma fait
8
travaihé pour avoir tenu maulveys regime, daultant
9
que je me debvois pulger a cest aucthonne. Pour cest effaict,
10
jey envoyé querir monsieur Thomas qui me
11
ordonnera ce quil men fauldra, que je ferey, Dieu aydant,
12
lequel je prie après vous avoir beyser les meins
13
Monsieur vous avoir et tenir en très bonne sancté
14
et longue vie. De Laval, ce 20 octobre 1572
15
Vostre très humble femme et
16
bien aubeyssante amie
17
Laval
18
Quelque mal que iaye heu, ie nay laissé daller diner
19
yer au mas hou mon mesdessin menmenat, hou estoient
20
mes cousines de La Pierre, de Chastelard. Letans est
21
du tous fort beaut encellieu. Iay tant fait par mes
22
journées que jay marié la pestitte Jehanne quil
23
mest unne grande descharge. Lespérance que iay
24
vous voir bien tost me garde vous dire davantage.